د اقتصاد پوهنځی د رئیس وینا
د افغان لوړو زده کړو مؤسسې اقتصاد پوهنځی متعهد دی چې د منل شويو ملي او نړیوالو معیارونو په رڼا کې، د نویو مېتودونو او پرمخ تللو وسائلو پر مټ خپل تحصیلي خدمتونه د هېواد ځوان قشر ته وړاندې کړي.
موږ غواړو چی د خپلو پروګرامونو او نوښتي لارښونو له لارې وړتیا لرونکي سوداګریز رهبران ټولنې ته وړاندې کړو. اقتصاد پوهنځی د اداري افکارو د زده کړې یو الهامي مرکز دی چې په کې محصلان هڅول کيږي او فکر ورکول کيږي چې خپلې حقیقي وړتیاوې په کار واچوي.
اقتصاد پوهنځی د خپل عصري او نوښتګر نصاب په چوکاټ کې د عصري علومو مینوالو ته تدریسي خدمات وړاندې کوي څو د بشري سرچینو د تنوع او د بشري ځواک د اړتیاوو د پوره کولو لامل شي.
د افغان لوړو زدهکړو مؤسسې د اقتصاد پوهنځي د رئيس په توګه ډاډ درکوم چې موږ پر خپلې کړې ژمنه ولاړ یو، د الله تعالی په مرسته به داسې بې ساری علمي کهول ټولنې ته وړاندي کړو چې پر خپل رب جل جلاله باور لرونکی، د هېواد او هېوادوالو لپاه ګټور، په فکر، ژوند او چلند کې به د غورې تګلارې لرونکي وي.
سعید الله صافی
د اقتصاد پوهنځي رئیس