ډیپارټمنټونه

سیول انجینری د انجینری علم د بنسټیزو څانګو څخه ګڼل کیږی د فیزیکی قوانینو ، ریاضیکی معادلو او میخانیک (Theories of Mechanics ) څخه په ګټه اخیستنی سره د بیلابیلو مدنی ودانیو ،بندونو ،پلونو،تونلونو ،سړکونو ، اوبه رسوني او نورو ساختمانونو د ډیزاین ، ساختمان او ساتنی دنده په غاړه لری.
سیول انجینران له موجوده منابعو (لکه سرمایه ، مواد ، بشری قوه او نورو ) څخه په ګټه اخیستنی سره زیار باسی چی ساختمانی پروژی په ټاکلی موده کی د لګښتتونو کمښت ، چاپیریال ساتنی او فیزیکی زیانونو له منځه وړل په پام کی نیولو سره په ښه توګه بشپړه ګتی اخیستنی ته وسپاری .
سیول انجینری د انجینری علم تر نورو ټولو څانکو پخوانی ، پراخه ، ساده او مهمه څانګو ګڼل کبږی چی د همدی علم د مور په نامه پیژندل شویده .

د برق ځانګه د تکنالوژۍ په اوسني پر مختللی وخت کی یوه مهمه او د هیواد په سطحه د تخصصی پوهی،تحقیق او نوښت لاس ته راوړلو یوه پوهنیزه څانګه ده . دا څانګه د درو برخو انرژی ،الکترونیکس او اړیکو ( کمونیکیشن ) څخه تشکیل سوی ده . د دی څانګی درسی کریکولم همیشه تر بررسی لاندی وی او بیا کتنه ورباندی کیږی او هغه ضروری تغیرات چی د ورځینیو اړتیاوو مطابق وی پکښی راوړل کیږی .د نظری درسونو څخه علاوه ځینی نور عملی درسونه او ساحوی کارونه هم په نظر کی نیول سوی دی .