د حقوقو او سیاسي علومو پوهنځي د رئیس وینا
د حقوقو او سیاسي علومو پوهنځی د افغان لوړو زده کړو مؤسسې یو له اړینو تشکیلونو څخه دی چې د یاد نهاد موخې د نوښتونو او د علمې کچې په لوړاوي کې د تدریس، څېړنو او روزنیزو کړنو پر مټ لاسته راوړي.
د حقوقو او سیاسي علومو پوهنځي څلور کلنې دورې نصاب د اسلامي، ملي، او نړیوالو ارزښتونو او غوښتنو په پام کې نیولو سره سم جوړ شوی او د هېواد په سطح د پېژندل شوو علمي کدرونو په واسطه وړاندې کېږي څو زده کړیالان وکولای شي د ملت اړتیاوو او غوښتنو ته ځواب ورکوونکي وي.
د دغه پوهنځي تر ټولو اړین هدف خپلو زده کړیالانو ته د ذهني او اکاډمیکو روزنو ترڅنګ د څېړنې او مباحثې مهارتونو ور زده کول هم دي څو په راتلونکې کې د یو ښه کارمند او لارښود په توګه د ملت د خدمت جوګه وګرځي.
په پای کې د حقوقو او سیاسي علومو پوهنځي اداره ژمنه ده چې د یاد پوهنځي لپاره ټاکل شویو ټولو موخو ته د رسېدو لپاره به هڅې کوي او غواړې چې یاد پوهنځی د هېواد په کچه یو ځلېدلی او پرمخ تللی پوهنځی وي.
دوکتور محمد هاشم “ظاهري”
د حقوقو او سیاسي علومو پوهنځي رئیس