د پوهنځي په اړه

افغان د لوړو زده کړو مؤسسې د شرعیاتو پوهنځی په ۱۳۹۱ لمریز کال کې د پوهنتون د تأسیس له مهاله فعالیت کوي، د شرعیاتو پوهنځی د فقه او قانون او اسلامي تعلیماتو دوې څانګې لري، اته سمسټرونه یې د کریډیټ سیستم له مخې په څلورو کلونو کې د کادري او متخصصو استاذانو لخوا تدریسیږي.

د شرعياتو پوهنځی غواړي چې ديني ارزښتونو او اکاډيميکو ارونو ته په درناوي د تدريس او څېړنې له لارې په ديني او قانوني زده‌کړو کې د هېواد په کچه د باور وړ او اغېزمن پوهنځی شي.

د شرعياتو پوهنځی ژمن دی، چې د وخت له غوښتنو او د ټولنې له اړتياو سره سم په اسلامي اخلاقو سنبال، پياوړې عقيده لرونکي، مسلکي او متعهد کدرونه ټولنې ته وړاندې کړي.

•د ديني، فقهي او قضايي مسايلو دقيقه څېړنه او تحليل.
•د دعوت، ښوونې او روزنې، قضا او نورو برخو کې ټولنې ته مسلکي او مذهبي کدرونه وړاندې کول.
•اسلامي قانون د پلي کولو روحيه پياوړې کول.

•د اسلام اصيل فهم او ملي ارزښتونو ته ژمنتيا
•په ټولو اکاډميکو چارو کې اصولو ته درناوی
•د چارو په تطبيق کې روڼتيا