کله چې له دوولسم (۱۲م) ټولګي څخه فارغ شوم ترڅنګ د دې چې د رشتې په انتخاب کې باید دقیق اوسم د پوهنتون انتخاب له هغې راته ګران ؤ او داسې یو پوهنتون چې کاملاً اسلامي محیط افغانې کلتور سره سم، اداري کارمندان، درسی سیستم او د عصر سره سم په ټکنالوژۍ سمبال وي ومومم د خپلې غوښتنې سره سم په دې وتوانیدم چې افغان پوهنتون ته د آزادې سیالۍ (کانکور) له لارې لار پیدا کړم نو د افغان پوهنتون د رهبري کمیټې څخه د زړه له کومي مننه کوم چې د محصلینو د اړتیا وړتیا وړ ټول توکي او امکانات یی برابر کړي دي، زما په آند ما ته په زړه پورې نکته دا ده چې الحمدالله په دې پوهنتون کې په سل فیصده اسلامي فضا او دهرډول تبعیض څخه پرته خپل تحصیل ته ادامه وکولی شم. عظیم الله عظیمي

• عظیم الله عظیمي

الحمدلله والصلاة والسلام علی رسول الله. يو ځوان چې له تعليمي دورې فارغ شي فکرمن وي چې د تحصيلي دورې لپاره کوم پوهنتون غوره کړي!! څو يې راتلونکی روښانه او له هر ډول څنګيزو ستونزو څخه خوندي وي؛ افغان پوهنتون د هېواد په کچه له هغو پوهنتونو دی چې يو محصل له پوره ډاډ او باور سره ورته راځي او له دې نۀ وېرېږي چې دلته به زما راتلونکې تحصيلي دوره څنګه تېرېږي او له کوم برخليک سره به مخ کېږم!؟. ما په دوه کلنه تحصيلي دوره کې د افغان پوهنتون دننه داسې څه وليدل چې ښايي ډېر پوهنتونونه يې ونۀ لري: اداري شفافيت او د چارو ښه سمبالتيا، استاذانو کې ژمنتيا او کره والی، اخلاقي مصؤنيت، بشپړ افغاني کلتور او د دين او هېواد د خدمت ښۀ ولوله. الله جل جلاله دې داسې وخت راولي چې افغان پوهنتون د هېواد پر افق د ځلانده ستوري په څېر وځلېږي. په همدې هيله عبدالحق حماد د افغان پوهنتون د شرعياتو پوهنځي د اسلامي تعليماتو د څانګي فارغ التحصيل

• عبدالحق حماد
• د شرعياتو پوهنځي د اسلامي تعليماتو څانګې فارغ التحصيل

افغان پوهنتون هر کال د ځوریدلی هیواد ته په سلګونو مسلکی کدرونه روزی او جامعی ته یی د ښه خدمت لپاره وړاندی کوی. د یادولو وړ ده چه نوموړی پوهنتون اسلامی اوافغانی عنعناتو ته ژمن پوهنتــــون دی . له همدی امله یاد پوهنتون د ښو اولــوړی تجربی لرونکو او زیار کښو استادانو پرمټ په خصــوصــــی پوهنتونونوکی ځلانده نوم لری .نو په د اساس دد پوهنتــــون د سیول انجنیری د پوهنځۍ د محصل په صفت غواړم چـــــــه په راتلوونکی کښی د یاد مسلک په ډګر کښی خپل هیــــــــــواد ته د خدمت جوګه شم اوهمداشان له ټولوهم مسلکو می همدا هیله ده چه خپلی هڅی و نه سپموی.

• سید نعیم سید

نحمده ونصلي علی رسوله الکریم، أما بعد: افغان پوهنتون یو له هغو نوموتو پوهنتونونو څخه دی چې هېوادوالو ته یې د لوړو زده کړو په بهیر کې بېلابېلې اسانتیاوې برابرې کړې دي، او بالآخره د ډېرو هېوادوالو دخوښې وړ ګرځېدلی دی، له همدې امله ما هم افغان پوهنتون د خپلو لوړو زدکړو لپاره غوره کړ، چې په ۱۳۹۶ل کې د شرعیاتو پوهنځي، د فقهې او قانون له څانګې فارغ شوم، او لاندې ځانګړتیاوې مې په خپلو سترګو ليدلي دي: مسلکي استاذان، ښکلی او ازاد چاپېریال، منظم او پاک ټولګي، د مطالعې لپاره په عصري تکنالوژۍ سمبال کتابتون، د محصلانو ترمنځ د ټاکل شویو موضوعاتو ترمنځ سیالۍ، تمثیلي محکمې، شفافه اداره، د هر محصل غوښتنې ته لاسرسی، په کم لګښت لوړې زده کړې او پرمختللی نصاب.

• داد محمد بریال عطايي
• د شرعیاتو پوهنځي د فقهې او قانون څانګې فارغ التحصيل