مقدمه
الحمد لله رب العالمین والصلاة والسلام علی خیر خلقه محمد وعلی آله وصحبه أجمعين، أما بعد:
د تحصيلي دورې په پای کې هر محصل مکلفیت لري، چې د یوې ځانګړې موضوع اړوند مونوګراف ولیکي، د مونوګراف لیکل د کرېکولم برخه او د سند ترلاسه کولو لپاره يو اړین شرط دی.
دا چې وړاندې هر پوهنځي د مونوګراف لپاره عمومي لارښود درلود؛ خو د دغه لارښود سربېره د مونوګرافونو ترمنځ شکلي او ماهوي همغږي نه وه، له دې کبله د افغان لوړو زده‌کړو مؤسسې د نصاب کمېټې وپتېيله چې د مونوګراف لیکنې په اړه یو لارښود چمتو کړي؛ څو له یوې خوا د مونوګرافونو ترمنځ همغږي رامنځته شي او له بلې خوا د اووم او اتم سمستر محصلان ورڅخه په مونوګراف لیکلو کې ګټه واخلي.
افغان د لوړو زده کړو مؤسسې د نصاب کمېتې په کوښښ او زیار د مونوګراف دغه لارښود چمتو او د خپرنيزو چارو د تخنيکي څانګې لخوا د چاپ په ګاڼه وپسولل شو.
په پای کې له الله جل جلاله څخه غواړو، چې دغه لارښود د محصلانو د ګټې وړ وګرځوي، که په دغه لارښود کې کومه ادبي تېروتنه او يا د لاسمون په موخه کومه سپارښتنه يا وړاندیز وي، هيله ده چې راسره شريک يې کړئ؛ څو په بیا چاپ کې ورڅخه ګټه واخیستل شي.
د افغان لوړو زده‌کړو مؤسسې د نصاب کمېټې